Mirziëev: MXX xodimlarining askariyati halol

O‘zbekiston Prezidenti Shavkat Mirziëev 2 mart kuni Navoiy viloyati Xatirchi tumanida viloyat faollari ishtirokidagi yig‘ilishda “viloyatdagi MXX xodimlarining aksar qismi halol xodimlar» ekanini ta'kidladi.

Prezidentning ishonishicha, “Navoiy viloyatidagi MXX zobitlari oylikdan oylikkacha zo‘rg‘a kunini ko‘radi, uyi ham, shaxsiy avtomobili ham yo‘q”.

Prezident bu viloyatdagi MXX xodimlariga azbaroyi achinib ketgani va ularga moddiy ko‘mak berilishini aytgan.

«Endilikda MXX xodimlari uchun sharoitlar yaxshilanadi, xususan, ular xizmat uylarida emas, o‘z uylarida turadi. Ularga imtiëzli kreditlar ajratiladi», deya ta'kidlaydi Shavkat Mirziëev «Eltuz» nashrida mavjud bo‘lgan va rasmiy OAVlarda e'lon qilinmagan nutqida.

Mirziëev bundan oldin Qiziriq va Peshku tumanlari eli bilan uchrashgan paytda MXX faoliyatini ayovsiz tanqid qilgan.

U MXX xodimlarini “simëg‘ochni ham qamaydigan” «sotqin», «it» degan va ularning “otbozori” davlatga qimmatga tushgani va “o‘g‘irlik qilib” hammani sharmanda qilganini ta'kidlagan edi.

Rassom Tuz
Eltuz.com