Navoiy oltin kombinati tutunlari aholini zaharlamoqda

Navoiy viloyatidagi Uchquduq va Zarafshon shaharlarida joylashgan Navoiy kon-metallurgiya kombinatiga (NKMK) qarashli ikkinchi va uchinchi Gidrometallurgiya zavodlari mana shunday ishlaydi. 

Ish tartibi 7/24 formatda. Zavodlardan chiqayotgan zaxarli tutun ishchilarni abgor qilib bo‘lgan, butun tuman aholisi sog‘lig‘iga ham jiddiy tahdid solmoqda. Oltin ishlab chiqaruvchi va mamlakatning eng badavlat kombinati daromadidan viloyatga yordam sifatida hech bo‘lmasa yo‘l ta'miri uchun pul  berilmasligini tushundik.  Lekin shu tushumdan hech bo‘lmasa zavodni modernizatsiya qilishga mablag‘ ajratilishi kerakku. Bu axir biznesning eng muhim qoidasi:  pul keltiradigan do‘kon-dastgohni ta'mirlatish eng zaruriy chiqim hisoblanadi. 

NKMK tarkibida 8 ta shunday zavod mavjud. Kombinatning biror zavodida zamonaviy texnologiyalar va filtrlar yo‘q. Navoiy viloyatining ekologiyasi butun respublika bo‘yicha eng ayanchli holda ekani hech kimga sir emas. Daromadni to‘g‘ri taqsimlash,  eng zarur chiqimlarga pul ajratishni qachon o‘rganamiz,  yuqoridagilar? Shumi O‘zbekistonning oltin qaynog‘i bo‘lgan kombinatga bo‘lgan e'tibor?  

Moshin yaxshi yurishi uchun moy, benzinni ayamaslik kerak bo‘lganidek, bu zavo‘ddagi tajriba qozongan ishchilar saratondan o‘lib ketmasligi, ko‘proq oltin ishlab chiqarishi uchun ham filtrlarni yangilab turish joiz.  Ochko‘zlikning ham chegarasi bordir, hasislik ham evi bilan-da, yoshullilar.