Tatyana Karimovadan so‘ng 16 yil o‘tib…

Prezident Mirziyoevning umr yo‘ldoshi Ziroatxon Hoshimovaning Vashingtondagi Oq uyda tushgan fotosuratlari ijtimoiy tarmoqlarda tarqaldi. Ulardan birida O‘zbekistonning birinchi xonimi Kapitoliydagi yodgorlik toshiga qarab fikr qilayotgani aks etgan.

Ziroatxon Hoshimova eri, O‘zbekiston prezidenti Shavkat Mirziyoevning 15-17 may kunlari AQShga rasmiy tashrifi chog‘ida unga yo‘ldosh bo‘ldi, Trampning 48 yoshli xotini Melaniya xonim esa kasalligi bois unga peshvoz chiqa olmadi.

Har ikki mamlakat matbuoti bu tashrifni tarixiy deya baholadi, mamlakatlar o‘rtasidagi munosabatlar qayta iliqlashgani aytildi.

Garchi Amerika-O‘zbekiston munosabatlari ancha ilgari, 2000-yillarning boshlarida Islom Karimov davrida quyuqlashgandi.

Rossiyaning «Kommersant'» gazetasi qizg‘onchiqlik bilan O‘zbekistonning «asal oyi» deya baholagan ayni davrda mamlakatda AQSh harbiy bazalariga asos solingandi.

AQSh-O‘zbekiston munosabatlari 2005 yilning 13 mayida Andijondagi tinch namoyishning qonli bostirilishi ortidan sovuqlashdi.

Shundan so‘ng O‘zbekistonni ko‘plab jurnalistlar, AQSh demokratik institutlari tark etdi.

Biroq bugunga kelib prezident Mirziyoevning tashrifi chog‘ida Andijon fojeasi eslanmadi, marhum prezidentning rasmiy safarlarida hamroh bo‘lgan xotini Tatyana Karimova ham.

Rassom Tuz O‘zbekiston birinchi xonimining Kapitoliy maydonida o‘rnatilgan yodgorlik toshi yonidagi ichki kechinmalarini o‘zicha aks ettiradi.

Rassom Tuz
Eltuz.com