Pullarni qaytarishi uchun hukumat Gulnorani «rozi qilishi» kerakmi?

Shu kunlarda ko‘plab nashrlar Gulnora Karimovaning O‘zbekiston hukumatini moddiy qo‘llab-quvvatlash niyatida ekani haqida yozishdi.  

Jamiyatdan hamon yopiq saqlanayotgan Islom Karimovning to‘ng‘ichi atrofida urchigan gaplarga izoh so‘rab, «Eltuz» nashri Londondagi Sharq va Afrika tadqiqotlari instituti tahlilchisi Alisher Ilhomovga murojaat etdi:

«Gulnora Karimova o‘g‘lining ancha mavhum bayonotidan so‘ng qator nashrlar u ijtimoiy hayotga qaytish va hozirgi prezident olib borayotgan yo‘nalishni qo‘llab-quvvatlashga qaror bergani haqida yozdi. Agar bu uning tez orada ozod etilishiga ishora bo‘lsa, u holda yopishmagan bir ishoradir.

Men buni shunday talqin qilmagan bo‘lardim.  Uning Shveytsariyadagi 800 ming dollar miqdoridagi aktivlariga oid ishdagi qoqiladigan tosh Gulnoraning Avakyan va Madumarov verdikti bilan kelishmayotganligidadir. Bu yuzadan Shveytsariya prokuraturasi tomonidan aybni tan olish va aktivlarni O‘zbekiston hukumatiga qaytarishga kelishilgan (chunki bu aktivlar ularning nomlariga rasmiylashtirilgan). 

Biroq Gulnora Karimova o‘z aybini tan olmaguncha  Shveytsariya hukumati bu aktivlarning musodara qilinishiga va pullarning O‘zbekistonga qaytarilishiga erisha olmaydi, chunki uning aynan o‘zi bu aktivlarning benifitsar mulkdoridir. Uning Shveytsariyadagi advokati tutqunlikda va keskin munosabat ostida Karimovadan bunday rozilikni undirish adliya normalarining buzilishini anglatishini aytgan. U, shuningdek, biroz vaqt avval ahvolini yumshatish evaziga u hamkorlikka rozi bo‘lishi ehtimoliga ishora qilgan edi. 

Aftidan, uning talablari bilan murosaga borish yo‘lida o‘zbek hukumati uni turmadan tag‘in uy qamog‘iga qaytarishgan. Kichik Islom Karimov esa u o‘zining barcha aktivlarini mamlakat ravnaqiga sarflashga tayyorligini bildirmoqda. Bu haqda u qaerdan eshitgani esa tushunarsiz. Axir anchadan beri ularning aloqalari uzilgan, singlisi Imon esa yaqinda O‘zbekistondan qaytgan edi», – deydi Alisher Ilhomov.  

Gulnora Karimova pullarini O‘zbekiston hukumatiga qaytarmaslik chaqiriqlari

2018 yilning mayida bir guruh faollar Gulnora Karimovaning G‘arb banklaridagi korruptsion aktivlarining mamlakat hukumatiga qaytarilishiga qarshi chiqishgandi.

Shveytsariya Tashqi ishlar federal departamentiga yo‘llangan xatida faollar Gulnora Karimova aktivlarini o‘zbek xalqi manfaatlari yo‘lida sarflash nazorati ko‘zlangan rejani taklif qilishgan edi. Faollarning iddaosiga ko‘ra, korruptsion pullarni ayni korruptsion hukumatga qaytarish noto‘g‘ridir.

Bu yerda gap 2012 yilgi tergovlardan so‘ng Shveytsariya prokuraturasi muzlatgan, Gulnora Karimov benefitsiari bo‘lgan Takilant LTD, Swisdorn LTD va boshqa offshor kompaniyalar bank hisob raqamlaridagi 800 million frank qiymatidagi aktivlar haqida ketyapti. 

Pullar korruptsion sxema asosida pul yuvilgani ochiqlanganidan so‘ng muzlatilgan edi.

Shundan so‘ng O‘zbekiston hukumatining Gulnora Karimovaga qarshi bosimlari boshlandi va bu uning  qamoqqa olinishiga olib keldi. 
Faollarga ko‘ra, o‘zbek hukumati Gulnoraning Shveytsariyadagi aktivlarini imkon qadar tezroq O‘zbekiston hukumatiga qaytarishni rejalashtirmoqda.

Eltuz.com