«Behayo» videosi tarqalgani uchun…

“O‘zbeknavo” estrada birlashmasi, 1 fevral kuni – o‘zbekistonlik taniqli xonanda Tamila (Esmeralda Raxmatova)ning litsenziyasiini bekor qildi.

Tamilaning litsenziyasi bekor qilinishi uning “behayo videosi” ijtimoiy tarmoqlarda tarqalgani sabab ekani aytildi. AsiaTerra nashriga ko‘ra, ushbu voqea ortidan Tamila Qozog‘istonga chiqib ketgan.

Matbuotda Tamilaning litsenziyasi bekor qilinishiga uning Telegram tarmog‘ida tarqalgan «bahayo videosi» sabab bo‘lgani aytilmoqda.

28 yanvar kuni ijtimoiy tarmoqda tarqalgan videoda noma'lum erkak o‘zbek xonandasi Tamila ekani iddao qilinayotgan ayoldan yulduz bo‘lguniga qadar u kim bo‘lgani haqida so‘raydi.

Ayol esa shartta o‘rnidan turadi-da, ishtonini yechib, kameraga orqasini qaratadi. Yana bir videoda Tamila ekani taxmin etilayotgan yalang‘och ayol katta yo‘l o‘rtasida to‘nqayib, orqasini ko‘rsatadi, biroq ikkinchi videodagi ayol Tamila emasligi bildirilgan.

«Ozodlik» xabariga ko‘ra, Feysbukda Je suis Tamila Tamila himoyachilari guruhi ochilgan bir paytda Tamila tarmoqda va hayotda g‘azabnok o‘zbek hukumati va toqatsiz jamiyatning ham qattiq bosimi ostida qolgan va Qozog‘istonga chiqib ketishga majbur bo‘lgan.

Hozirda xonandaning instagram va boshqa tarmoqlardagi akkauntlari ham o‘chirilgan. «Ma'naviyat darslarida qatnashmadi», «lozimi unaqa, taqinchog‘i bunday» singari turli sabab va baxonalar bilan keyingi davrda o‘nlab o‘zbek artistlari litsenziyalari olib qo‘yilgan, ularning ayrimlari mamlakatdan chiqib ketgan.

Rassom Tuz
Eltuz.com