Savol: «Tuz og‘a siz  qaysi hayvonga o‘xshaysiz?»

Bu savoldan oldin  jaxlim chiqdi. Meni taniganlar biladi. Odamga o‘xshagan odamman. Keyin  o‘ylandim. Kecha janubiy Yevropadagi qishloq yo‘lidan yuraëtsam oldimdan tulki kesib o‘tdi. Oltin rang tulki. O‘zimni tulkiga o‘xshatmagan bo‘lardim. AQShda men qo‘llab quvvatlaydigan demokratik partiya timsoli eshak. Har xolda o‘zimni eshak deb ham o‘ylamayman.  Ëshligimda Sharik degan itim bor edi. Sariq it. Kuchukligida olib kelib boqqanman. Keksayib o‘lganida men institutni bitirib kelib raxbar lavozimida ishlaëtgandim.  Shu itni yaxshi ko‘rardim. Lekin o‘zimni it deb tasavvur qila olmayman.1994 yil Urganchda TV ochganimda nomini «Oq bo‘ri» deb qo‘ygandim. Aytmatovning «Plaxa» asaridan ta'sirlanib. Qolaversa men tug‘ilgan shahar Urganch nomi bo‘ri degan so‘zni anglatadi. Eski Xorazm tilida gurg so‘zi bo‘rini bildirgan. Gurganch esa ona  bo‘ri degan  mazmun tashigan. Italiyada ham ona bo‘ri Rim timsoli. Xullas mana javob.

Men bo‘ynidan bog‘langan va suyak bergan egasi bor it emasman. Har kim ustiga minib qorniga niqtab yo‘rg‘alatadigan eshak ham emasman. 

Men bo‘riman. Hamma qo‘rqadigan¸ qo‘lga o‘rganmaydigan o‘rmon mansubi. 

Muzliklarda to‘ngmaydigan oq bo‘ri.

Rassom Tuz