Yomg‘ir duosi internetni portlatdi

O‘zbekistonda ëmg‘ir so‘rab ommaviy duo o‘qilishi haqidagi lavhalar matbuot va blogosferada keskin tanqid va kulgiga sabab bo‘ldi. Qator xorijiy bloger va nashrlar voqeani “asr og‘ushiga qaytish”, “ilmni inkor qilish” sifatida baholab, quyidagi iqtiboslar bilan munosabat bildirdi:

“Xalqni talab, ekologiyani vayron qilib bo‘lib, endi Xudodan ërdam so‘rashyapti. Xudo bularga quloq solarmidi?”

“Bu kunlarni ham ko‘rdik. Yaqinda Tam-Tam qabilasi shamanlari kabi doira chalib sakrashadi.”

“Ko‘kdagilar bardam bo‘ling. Bu o‘zbeklarning nano texnologiyasi.”

“Bular rostdan ham 21 asrda yashayaptimi? Ilon Mask bir narsa deya olsa, bu g‘or odamlariga aytsin.”

“Faqat ko‘proq tilovat qilmanglar. To‘fon bo‘lib ketsa, sel ostida qolmanglar.”

“O‘zbekiston g‘irt o‘rta asrlarga qaytibdi.”

“O‘zbek rahbarlari Mark Tvenni o‘qishgan, shekilli. Uning asarida bo‘ron chaqirish uchun uch marta yelka oshlab tupurish aytilgandi.”

“Duo qilmasangiz ham ëmg‘ir ëg‘adi. 26 kuni Bayqonurdan Rossiya raketa uchiradi. Raketadan qo‘rqqan bulutlar O‘zbekistonga qochib borib yig‘laydi.”

“O‘zbeklar qachon korruptsiyaga qarshi duo o‘qiydi?”

“Qurbonlik hayvoni terilari bilan ichak-chavog‘ini daryoga tashlamanglar, iltimos.”

“Afrikadagi Tumba-Yumba qabilasi ham yillar davomida ëmg‘ir so‘raydi. Borib o‘rganib kelinglar.”

“Mullalar Uzgidrometdan prognozni olib, ëmg‘ir ëg‘ishiga ishonch hosil qilgachgina duo qilishyapti. Dinga emas, ilmga ishonarkanlar.”

Videolarda esa Gidromet markazi xodimlari “ob havo idorasi janozasini o‘qish” kabi sharhlar ostida tanqid ob'ektiga aylangani ko‘riladi.