Gadoning dushmani…

Ha, gadoning dushmani gado,

Lekin la'nat dushman gadoyga.

Qavmi bilan nafrat bobida

Qilaversa jirkanch bir poyga.

Gadolikni targ‘ib etganlar

O‘z qavmini o‘zi qopdilar.

Nima balo, ne ofat topsa,

Avval o‘zlaridan topdilar.

Nega har xil tuhmat yorlig‘in

Halol mehnat boylarga taqmoq?

Dushman bo‘lmas donoga dono,

Dushman bo‘lar ahmoqqa ahmoq.

Ummon kabi yashang guvillab,

Daryolardek oqib yashanglar.

Unutmanglar, boy boyga boqar,

Bir-biringga boqib yashanglar

Matnazar Abdulhakim