Oqsoqollarni ham endi Senat «saylaydi»

«Xalq so‘zi» gazetasi yaqin oylarda o‘tkazilishi mo‘ljallangan fuqarolar yig‘inlari raislari va ularning maslahatchilarini saylash tadbiri Oliy Majlis Senatining jiddiy nazoratida o‘tishi haqida maqola e'lon qildi

Ma'lum bo‘lishicha, Senat Kengashida fuqarolar yig‘inlari raislari (oqsoqollari) va ularning maslahatchilari saylovini tashkil etish va o‘tkazishga ko‘maklashuvchi komissiya tuzilgan. Bu komissiyaning asosiy vazifasi joylarda saylov o‘tkazadigan 10 mingga yaqin ishchi guruhga yordam berishdir.

Aslida O‘zbekistonda saylov to‘g‘risida gapirishning o‘zi jiddiylik emas. Shunday bo‘lsa-da, saylovga Senatning bunday to‘g‘ridan-to‘g‘ri aralashuvi bu nojiddiylikni yanada kuchaytiradi. Qolaversa, saylov bilan bog‘liq asosiy ishlarni Senat komissiyasi qilsa, «dunyodagi eng halol va demokratik» Markaziy saylov komissiya shimildirig‘ini tortib o‘tiraveradimi, degan haqli savol tug‘iladi.

Eltuz.com