Operatsiya uchun pul olgan shifokor qo‘lga tushdi

«Adolat» gazetasi pichoqdan jarohat olgan fuqaroni operatsiya qilgan shifokor bemorning yaqinlaridan pul olgani uchun jinoiy javobgarlikka tortilgani haqida yozdi.

Ma'lum bo‘lishicha, shifoxonaning shoshilinch tibbiy yordam bo‘limi jarrohi bemorning yaqinlaridan avval 50 ming so‘m pul olgan. Keyin esa bu juda kam ekanligini aytib, yana 100 ming so‘m berishni talab qilgan.

Bemorning yaqinlari bu ta'magirlik yuzasidan prokuraturaga murojaat etgach, jarroh pora olayotgan paytida qo‘lga olingan.

O‘zbekistonda hozir barcha shifoxonalarda «qo‘l uchi» berilmasdan ish bitmasligini hisobga olganda, agar vrachu hamshiralarning hammasini jazolayverishsa, ertaga bemorlarga qaraydigan hech kim qolmaydi-ku, degan xavotir keladi ko‘ngilga.

Eltuz.com