Prezidentning ma'ruzasi hamon dunyoning «aqlini shoshirmoqda»

«XXI asr» gazetasi O‘zbekiston prezidentining Vazirlar Mahkamasining 2015 yil yakunlari va 2016 yilga mo‘ljallangan iqtisodiy dasturning eng muhim ustivor vazifalariga bag‘ishlangan majlisidagi ma'ruzasiga xorijiy ekspertlar bildirgan fikrlar alohida kitob holida chop etilganini ma'lum qildi.

Gazetada bildirilishicha, jahon miqyosidagi ko‘plab nufuzli kompaniya va tashkilotlar, jumladan, Jahon banki, Yevropa Ittifoqining Energetika xartiyasi, Germaniya, Janubiy Koreya, AQSh, Yaponiya va boshqa bir qancha davlatlarning mashhur kompaniyalari vakillari O‘zbekistonda 2016 yilga mo‘ljallangan iqtisodiy dastur yo‘nalishlari va istiqbollariga munosib baho bergan.

Eng qizig‘i, shu paytgacha prezident ma'ruzasining o‘zini chuqur o‘rganishdan bo‘shamayotgan O‘zLiDeP partiyasi endi yuqorida tilga olingan to‘plamning mazmun-mohiyatini partiya ijroiya qo‘mitasi va Qonunchilik palatasidagi fraktsiya a'zolari bilan qo‘shma majlisda atroflicha muhokama qilibdi.

Ma'ruzaning o‘zini-ku mamlakat taraqqiyotining asosiy yo‘nalishlarini ko‘rsatib bergani uchun o‘rganish va keyin amaliyotga tatbiq etishda mantiq bordik.

Lekin butun boshli partiya rahbariyati unga bildirilgan fikrlarni o‘rganish uchun shuncha katta majlis chaqirganining nima foydasi bor?

Eltuz.com