O‘zbekiston yoshlariga dunyo havas qilsinmi?

«Hurriyat» gazetasida Xalqaro yoshlar birdamlik kuni munosabati bilan e'lon qilingan maqolada bugungi kunda dunyo yoshlari muammolar girdobiga botib qolgani, o‘zbekistonlik yoshlar esa hukumatning e'tibori tufayli omon-omon zamonda yashash baxtiga erishgani bayon etiladi.

Maqolada yozilishicha, Markaziy va Sharqiy Yevropa mamlakatlarida yoshlarning 33,6 foizi hech qaerda o‘qimaydi yoki ishlamaydi. Bu yerda OITSga chalinish darajasi ham yuqori. Bekorchi yoshlar esa ichkilikbozlik, giyohvandlikka ro‘ju qo‘ygan.

«Bugungi g‘arblik yoshlarning oyoqqa turib olishlari, hayotda o‘z o‘rinlarini topishlari qiyin kechadi», deyiladi gazetada.

«Jonajon O‘zbekistonimizda esa yoshlarning hayotiy muhim masalalarini hal etishga qaratilgan davlat siyosati izchil amalga oshirilayotgani samarasida yoshlarimiz barcha sohalarda ulkan yutuqlarni qo‘lga kiritmoqda», deydi muallif.

Ammo gazetada bir burda non ilinjida har yili mardikorlik uchun chet elga ketayotgan yuz minglab yoshlar, ishsiz yurgan o‘g‘il-qizlar nega «g‘amxo‘r hukumatning, oqilona davlat siyosati»ning ta'sirini o‘z taqdirida his qilmayotgani haqida hech narsa deyilmaydi.

Eltuz.com