Turkiyada uch o‘zbekistonlik IShID faoli qo‘lga olindi

Qo‘lga olinganlarning uch nafari O‘zbekiston fuqarosidir.

Qaxramonmarash politsiyasi tarqatgan ma'lumotga ko‘ra IShID terror tizimi faollariga qarshi qaratilgan tadbir davomida qo‘lga olingan o‘zbeklar adliya qaroriga ko‘ra mahkamagacha qamoqda o‘tiradi.

Qaxramonmarash IIB Terrorga qarshi mujodala sho‘basining qora niqob taqqan xodimlari shaharning Vodiy va Yunus Emro mahallalaridagi IShID faollari yashaydigan ikki manzilini bosdi.

O‘zbekiston fuqarolari E.C, K.H. va K.A adliyada qisqa so‘roq qilinganidan so‘ng hibsxonaga jo‘natildi.

O‘zbekiston fuqarolariga “Terror tarmog‘iga a'zo bo‘lish” aybi qo‘yildi.

IShID tarmog‘i asosan toliblar va boshqa xorijiy jangarilar hisobidan mintaqada o‘ziga yuzlab yangi tarafdorlar ortdirishga muvaffaq bo‘lgani aytiladi.

Ayni shu manzarada IShID guruhi saflariga borib qo‘shilayotgan markaziy osiyolik fuqarolarga oid ilk rasmiy raqamlar ham e'lon qilindi.

Jumladan, Xalqaro Inqiroz Guruhi ularning soni ikki mingtadan to‘rt mingtagacha bo‘lishi mumkinligini aytib chiqdi.

Ayni mavzuni tadqiq qilgan qator xalqaro tashkilotlarning hisobotlarida esa, Suriya va Iroqda jang qilayotgan markaziy osiyoliklar aksariyatining o‘zbeklar ekani taxmin qilindi.

Amerika Josuslik Xizmatining qo‘shma hisobotida esa, IShID guruhi saflaridagi fuqarolarining soni bo‘yicha O‘zbekiston kechayotgan yilda Rossiya bilan birga ro‘yxatning yuqori qatorlaridan joy olgan ikkita sobiq Sovet davlatidan bittasi bo‘ldi.

Abdujamil Do‘stmuhammad
Eltuz.com