Istanbuldagi bombali hujumda ikki o‘zbek o‘ldi

Toshkentlik Muxiddinov Samad Murodovich va Namangan shahridan 22 yashar Abrorjon Ustaboev Ayubxon o‘g‘li Istanbuldagi Otaturk xalqaro aeroportida yuz bergan hujumda nobud bo‘lgan.

Abrorjon Ustaboevning pasporti rasmini e'lon qilgan haberturk agentligining ëzishicha, 22 yoshli O‘zbekiston fuqarosi Ustaboev aeroportga kelib, taksidan tushgan paytda portlash sodir bo‘lgan va u o‘sha joyda jon bergan.

Toshkentlik Samad Muhiddinovning portlash paytida aeroport ichkarisida bo‘lgani aytildi.

Konsulxonada sansolarlik bois jasadlar payshanba kuni ham Istanbul morgidan olib ketilmagan.

Portlash va otishmada yarador bo‘lgan o‘zbeklar soni 4 nafar ekani bildirilgandi.

Istanbul hujumida yaralangan o‘zbekistonlik 4 kishidan birining ismi-sharifi Rifat Salimov ekani haqida Qirg‘iziston Tashqi ishlar vazirligi ma'lumot tarqatdi.

Terrorchilar avtomatdan o‘t ochgan paytda oëg‘iga o‘q tekkan Ravshan ismli yigitning Istanbul kasalxonalaridan birida davolanaëtgani haqida eltuz.com muxbiriga uning yaqin do‘stlaridan biri ma'lum qildi.

Istanbulda istiqomat qilaëtgan O‘zbekistonlik ëzuvchi Nurilla Otaxonov o‘z mikroblogida kasalxonada qolaëtgan o‘zbek yaradorlarini ziërat qilganligini ëzdi.

Istanbuldagi Otaturk aeroportida yuz bergan terakt oqibatida halok bo‘lgan 36 kishidan 28 nafarining shaxsi aniqlashtirilgan.

So‘nggi ma'lumotlarga ko‘ra, terakt oqibatida 36 kishi halok bo‘lgan, 147 kishi jarohatlangan.

Eltuz.com