«Abossan» yoki «Yurtimizda tinch bo‘ssin!» klipi o‘zgartirildi

O‘zbekistonda «tinchlikni madh etish uchun» mafkura klipi sifatida tayyorlangani aytilayotgan ayni klip musiqasi o‘zgarmagan, biroq tasvirlarda uning eski nusxasi va yangisi o‘rtasida yer bilan osmoncha farq bor.

Klipdagi chupa chups va banan ushlab muqom qilayotgan qizlar endi shiorlar bilan bezangan shaharda «tinchlikka chorlovchi vatanparvarlar» kabi aks etishadi.

G‘aliz shevada o‘zbek zehniyatini aks ettirgan «Yurtimizda tinch bo‘ssin…» klipining asosiy muammosi tag‘in behayo tasvirlarda deya fikr bildiradi shou biznesga ixtisoslashgan Sayyod nashri.

Honandaning ayni klipiga qarshi o‘zbek mafkurasi va pop musiqasi bilimdoni sanalgan Jasur Hamroev keskin so‘zlar bilan yuzlanadi.

«Honandaning niyati yurtimiz tinchligini tarannum qilish» bo‘lmagan deydi u.

O‘z klipiga million muxlis yiqqan xonanda, «o‘z qilmishidan» ancha hijolat tortib «xato»ni klipmeykerga to‘nkaydi.

Ayni klipni ishlagan Rustam Ali esa o‘z navbatida buni o‘zidan soqit qilib qo‘shiq muallifini ayblaydi.

«O‘zi aybdor… men uning qo‘yniga chupa chups ushlagan qizlarni solib qo‘ya olmaymanku, chupa-chupslarni ham o‘zi olib kelgan bozordan»

Klipning yangi nusxasidan, Jasur Hamroev ta'biri bilan aytganda «abossan» ya'ni siyib qo‘ygan(?) ma'nosidagi so‘z ham o‘zgartirilgan, biroq qo‘shiq matnida bu saqlangan.

Qudrat Bobojon,
blogger, eltuz.com