Samarqand Karimov janozasiga tayërlanmoqda

Miyasiga qon quyulgani aytilgan Islom Karimovning tug‘ilgan uyidan 100 metr naridagi Chorraxa masjidi bo‘ladigan muhim tadbir – dafn marosimi uchun hozirlanmoqda.

Shaharning Siëb qismi o‘rab olingan. Marmar va boshqa qurilish maxsulotlari tashiëtgan mashinalarni kuzatish mumkin. Registonga odam kiritilmayapti. Shahar favqulloda holatga keltirilgan.

rasm1808 — Toshkentdagi militsiya xodimlari Samarqandga safarbar qilingan.

Barcha ishlarga Bosh vazir Shavkat Mirziëev boshchilik qilaëtgani aytildi.

Ozarbayjon soati portali esa prezidentning to‘ng‘ich qizi Gulnora Karimovaga tayanib Islom Karimovning 1 sentyabr kuni o‘lganligini bildirdi.

Yana “Eltuz” ma'lumotlariga ko‘ra¸ O‘zbekistondagi yuzlab mulozimlar payshanba kuni Samarqandga kelgan.

Toshkentdagi militsiya xodimlari Samarqandga safarbar qilingan.

Ba'zi ma'lumotlarga ko‘ra, Karimov shanba 3 sentyabr kuni dafn qilinadi. Feysbukdagi Zdorovya Karimovu guruhida ëzilishicha Karimov raasman o‘lgan. Ma'lum bo‘lishicha, Karimov qon aylanishini ta'minlovchi mashinadan 1 sentyabr kuni ajratilgan. Bundan Oldin Eltuz Karimovning o‘lgani haqida ma'lumot bergan edi

«Samarqandda shaharga mashinalar kiritilmayapti. Siyob Bozoridan Ulug‘bek observatoriyasigacha bo‘lgan hududga odamlarni ham qo‘ymayapti» deya yozdi bugun FB yuzerlaridan biri 1-sentyabr kuni.

rasm1809 — Chorraxa masjidi yonida maqbara qurish ishlari boshlangan

Hukumat manbalari hamon sukut saqlamoqda

28 avgust kuni, o‘zbek hukumati ilk bor prezident Karimov sog‘lig‘ining yomonlashgani haqida xabar tarqatdi.

«Mutaxassislarning fikriga ko‘ra, to‘liq tibbiy ko‘rik va davolanish jarayoni uchun muayyan vaqt talab etiladi» deyilgan edi bildirishda.

Biroq, insultning beshinchi kuni ham prezident atrofidagilari uning ahvoli haqida biror rasmiy axborot berishgani yo‘q.

Islom Karimov mamlakatga 1989 yil Kreml tomonidan tayinlangan kundan buyon hukmronlik qilib keladi. Karimov davrida mamlakatda so‘z erkinligi cheklandi, inson huquqlari buzildi, muxolifat qatag‘on qilindi.

Eltuz.com