Million dollar uchun o‘zbek “o‘lib” berdi

O‘zbekistonlik 31 yashar yigit firibgarlikda ayblanib AQSh tarafidan xalqaro qidiruvga berildi.

2000 yilda Green Card yutib AQShda istiqomat qila boshlagan. U yerda o‘zini million dollarga sug‘urtalagan.

Shundan so‘ng qirg‘izistonlik vrach-patologoanatomdan “o‘lganini” tasdiqlovchi hujjat olgan. Xatto o‘ziga soxta qabr qazdirib,

O‘shning Qorasuv rayonidagi qabristonlardan biriga estalik toshi ham qo‘ydirgan. Sug‘urta idorasi “o‘zbekning o‘lganiga” shubha bildirib taftish qila boshlaganida “o‘lik” Qirg‘izistonni tark qilgan.

AQShda sug‘urta qilingan o‘zbekning “o‘lgani” haqida ma'lumotnoma ëzib bergan O‘shdagi kasalxonalardan birida ishlagan shifokor javobgarlikka tortilib, unga yirik miqdorda jarima solindi.

Qirg‘iziston IIV matbuot hizmatining Eltuzga bildirishicha, shu kunlarda million dollarlik sug‘urta firibgarligi figuranti bilan bog‘liq jinoyat ishini ayni vazirlikning maxsus guruhi tekshirmoqda.

“O‘sh, Jalolobod va Qorasuvda bu firibgar yigitni qidiryapmiz” dedi Qirg‘iziston IIV matbuot hizmati mulozimi. Unga ko‘ra “O‘zbek vatandoshini qidirish” ishlari haqida AQShnig Bishkekdagi elchixonasiga bilgi berilgan.

2012 yili AQShda tibbiy sug‘urta borasida misli ko‘rilmagan firibgarlik fosh qilingan edi. Asosan sobiq SSSRdan kelgan firibarlar AQSh sug‘urta idorasidan 250 million dollar pulni sug‘urgani ortidan 36 kishi qo‘lga olingan edi.

Eltuz.com