O‘zbek xalqidan o‘marilgan pullar egaciga qaytarilsin!

Bir guruh o‘zbek faollari Telekommunikatsiya sektoridagi korruptsion sxemalar yordamida to‘plangan aktivlarning musodara qilinishi va korruptsiya jabrdiydalariga qaytarilishi lozimligi haqida ularni muzlatgan hukumatlarga ochiq xat yo‘lladi.

Bu yuzadan bugun 30 mart kuni change.org ijtimoiy tarmog‘ida elektron petitsiya ham tashkil etilib unga imzolar yig‘ila boshlandi.

Ular AQSh, Shveytsarii, Shvetsii, Niderland, Belgiya, Irlandiya va Lyuksemburg davlatlariga AQSh Adliya Departamentining O‘zbekiston tepasidagi hukmron korruptsionerlar tomonidan o‘zlashtirilgan $850 million dollarni musodara etish da'vosini qo‘llab quvvatlash iltimosi bilan murojaat etishdi.

Faollar mazkur davlatlardan ushbu aktivlarni ayni jinoyatlar uchun javobgar bo‘lgan O‘zbekiston hukumatiga qaytarmaslikka, balki bu mablag‘larni to‘g‘ridan-to‘g‘ri korruptsiya jabrdiydalari bo‘lgan butun O‘zbekiston xalqiga yo‘naltirishga chaqirishadi.

Nohalol yo‘llar bilan topilgan aktivlarni adolatli repatriatsiya qilinishiga bir misol Qozog‘istondagi Bot Jamg‘armasi bo‘lishi mumkin, demoqda faollar.

Agar O‘zbekiston hukumati bu kabi jamg‘arma ishiga sharoit yaratib berishga rozi bo‘lmasa, u holda ko‘zlangan aktivlar yuqorida qayd etilgan hukumatlar va O‘zbekiston fuqarolik jamiyatining ishonchli boshqaruvi ostida muzlatilishi lozimligi aytiladi mazkur maktubda.

Faollar tomonidan imzolangan tegishli maktubni quyida o‘qish mumkin.

Ushbu maktub faqat, O‘zbekistonning islohotlar yo‘liga qadam qo‘yishini va Korruptsiyadan ozod bo‘lishini qo‘llab quvvatlash niyatidagi barcha shaxslar taklif etiladigan tashabbusning boshlamasi sifatida ko‘riladi.

Imzolar esa bu yerda yig‘ilmoqda.

Eltuz.com