O‘zbekistonga Abdulla Oripov Bosh vazir bo‘ldi

O‘zbekiston Oliy Majlisi senati va Qonunchilik palatasining qo‘shma majlisida Abdulla Oripov nomzodi Bosh vazirlikka tasdiqlandi.

Telekommunikatsiya sohasidagi korruptsiyalar bois ishdan ketgan va Karimov o‘limidan so‘ng hukumat tarkibiga qaytgan 55 yoshli Aripov nomzodi Prezident Shavkat Mirziyoev tomonidan taklif etilgani aytiladi hukumat nashlari tarqatgan xabarlarda.

Senat majlisida shuningdek, Mirziyoev Bosh vazir lavozimidan ozod qilindi, hukumatning butun tarkibi bilan iste'foga chiqarildi.

Xalqaro poraxo‘rlik ishidagi korruptsionerlarning biri

Abdulla Oripov 2012 yili o‘zbek telekom tizimidagi prezidentning qizi Gulnora Karimov dohil poraxo‘rlik mojarosi sabab ishdan chetlatilgan edi.

Korruptsion bitimlar tuzish tashabbusi prezident Karimovning qiziga tegishli bo‘lsada, ofshor shirkatlarga keyinchalik rasman xalqaro mobil operatorlariga sotish uchun chastota va litsenziyalarni ajratish o‘sha vaqtda Abdulla Oripov rahbarlik qilayotgan O‘zbekiston aloqa va axborotlashtirish agentligi buyrug‘i bilan rasmiylashtirilishi, shuningdek bunga Bosh vazirning o‘zi ijozat berishi kerak edi.

Bu o‘rinda shaxsiy javobgarlik aloqa va axborotlashtirish agentligi o‘sha paytdagi rahbari, telekommunikatsiya sektoridagi korruptsion mojarolar sababli 2012 yilda bosh vazir o‘rinbosari mansabidan quvilgan, joriy yilda hukumat safiga tiklanib, 2016 yilning 14 dekabrida bosh vazir lavozimiga tayinlangan Abdulla Oripov zimmasiga tushadi.

Abdulla Oripovning hukumat raxbari etib saylanishiga Senat zalidagi 92 Senat a'zosining 83 nafari va Qonunchilik palatasining 142 deputatidan 124 nafari ovoz bergani bildiriladi bugungi hukumat xabarlarida.

Eltuz.com