Shohida Yoqub: Inoyatov o‘rniga odam tanlanmoqda

Eltuz nashri jurnalist Shamsiddin To‘laganovning Milliy havfsizlik xizmati raisi Rustam Inoyatov iste'fosi haqidagi maqolani chop etishi ortidan Respublika telekanali 14 yanvarda O‘zbekiston qurolli kuchlari kuniga bag‘ishlangan tantanada Inoyatov ishtirok etgan ko‘rsatuvni efirga uzatdi.

O‘zbekiston Milliy Xavfsizlik xizmati Eltuz xabariga rasman raddiya bildirmagan bo‘lsada, hukumat televideniesidagi epizod bilan «rais o‘z joyida» degan signal berdi…

Ammo Eltuz nashriga intervyu bergan jurnalist Shohida Yoqub nima uchun bu lavxaning paydo bo‘lganini tushunmagni va fikrida qatiy turganini aytdi.

Shohida Yoqub: – Mening manbalarim bo‘yicha Rustam Inoyatov ketdi. U kishi 20 yildan ortiq milliy xavfsizlik xizmatini boshqargan. Nimaga ketdi sabablarini man bilmiyman, lekin u ketganligining tasdig‘i bor.

Savol: – Kim bo‘ladi uning o‘rniga sizningcha?

Shohida Yoqub: – Baxtiyor G‘ulomov bo‘ladi, deb aytishgan. Lekin, Xudo xohlasa, bu hafta biz bilamiz, kim shu eng kuchli idora boshkaruvida turadi…

Savol: – Endi sistema o‘zgaradimi yoki kontora eskichasiga ishlayveradimi?

Shohida Yoqub: – Menimcha, sistema o‘zgarishi kerak. Lekin, qachon shu o‘zgarish boshlanadi qanaqa shaklda olib boriladi? Hamma biladiki, O‘zbekistonning eng kuchli strukturasi – bu xavfsizlik xizmati. Agar o‘zgarsa, balki dindorlarga va boshqalarga tazyiqlar susayadi, ammo, umuman olganda, men katta siljishlarga umid qilmayman…

Video: https://youtu.be/_d3POdektmw

Eltuz.com