Oqilovning sherigi deya gumon qilingan chechen qo‘yib yuborildi

Stokgolm hujumchisi Oqilovning sherigi deya hibsga olingan 26 yoshli chechen yigiti ikki kunlik so‘roqdan keyin 25 aprel kuni qo‘yib yuborilgan.

Bu haqda Shved matbuoti politsiyaga asoslanib xabar berdi. Shuningdek, Ekspressen nashrining bildirishicha, chechen yigitning onasi «Mening o‘g‘lim o‘g‘lim allaqaysi IShID va o‘zbeklarga aloqador emas» deya bildirgan edi.

O‘z o‘g‘lining ozod etilishini eshitib, ona quvonch ko‘zyoshlarini yashira olmagan:

«Men bilardim, o‘g‘limning aybdor emasligini!» , deya intervyu bergan.

O‘g‘lining aybsizligi, Shvetsiyadan iqomat huquqini tezroq olishlariga imkon yaratishi mumkinligini aytadi u. Shuningdek u, o‘g‘liga jismoniy kuch ishlatgan politsiya xizmatining rasman kechirim so‘rashini kutmoqda.

Bundan ilgari, yakshanba kuni qurollangan shved politsiyasi Shvetsiyaning Skone bo‘lgasidagi ona bola yashayotgan kvartira podvalidagi uyi eshigini buzib kirishgan.

Uning 26 yashar o‘g‘lini yerga bosib, qo‘lini kishanlashgan. Ikki kunlik so‘roqdan keyin, seshanba kuni chechen yigiti ozod qilingan edi.

Chechen yigiti ushlangan 23 aprel kuni Shvetsiyaning TV4 telekanali Stokgolm hujumchisi Raxmat Oqilovning Samarqanddagi akasi ham hibsga olingani haqida xabar bergan edi.

Rahmat Oqilov 7 aprel kuni Stokholm markazida yuk mashinasini odamlar ustiga haydashi natijada 4 kishining o‘limi va 15 kishining jarohatlanishiga sabab bo‘lgan edi.

Eltuz.com