Jahon bankiga bosimlar bois majburiy terimchilar paxtadan qaytarildi

Mirziyoevning talabalar, o‘qituvchilar va mediklarni paxta dalalaridan qaytarish qarori, ta'kidlash joiz, Jahon banki prezidenti bosimi ostida amalga oshdi.

Biroq bankning o‘zi O‘zbekiston agrar sohasiga kredit ajratgani munosabati bilan huquq himoyachilarining bosimlari ostida qolgan, bu yilgi paxta mavsumida o‘zbek faollari O‘zbekistonda majburiy mehnatga qarshi talabnomaga imzo yig‘ishga kirishgan edilar.

2017 yilning 20 sentyabrida Nyu Yorkda o‘tgan Bosh Assambleya yig‘ilishida prezident Jim Yen Kim O‘zbekiston prezidenti Shavkat Mirziyoev bilan uchrashuvidan so‘ng Jahon banki guruhi quyidagi bayonotni e'lon qildi:

Prezident Kim muttasil bolalar mehnatining yo‘q qilinishidagi progressni e'tirof etdi, biroq shuningdek, kattalar majburiy mehnatiga ham chek qo‘yilishiga qaratilgan harakatlar ham shunday kuchli va tezkor natijalar berishi lozim deya ta'kidladi. Prezident Mirziyoev majburiy mehnatning har qanday shaklini yo‘q qilishga ahd qilganini, hamda prezident sifatida Xalqaro mehnat tashkiloti kuzatuvchilarining butun O‘zbekiston bo‘ylab e'lon qilinmaydigan va hamroxlarsiz tashriflariga kafolat berishini bildirdi», deyiladi Jahon banki press relizida.

Jahon banki majburiy mehnat muammosini ko‘tarmasligi mumkin emas edi, chunki uning o‘zi huquq himoyachilari bosimi ostida qolgan edi. Shu yilning iyunida Inson huquqlari bo‘yicha O‘zbekiston Germaniya forumi (UGF) va Xyuman Rayts Votch (HRW) «Biz paxta terishdan bosh torta olmaymiz» nomli hisobotini e'lon qildi, unda bank sarmoyalayotgan loyihalardagi bolalar va majburiy mehnat haqida aytilgan edi.

Video: Majburiy mehnatga qarshi Jahon banki ofisi oldida o‘tgan aktsiya, Vashington, 9 mart 2016

Eltuz.com