Anvar qori sun'iy koma holatidan uyg‘ondi

Diniy idoraga yaqin bir manbaning «Eltuz» nashriga bildirishicha, 60 yashar Anvar qori Tursunov 1 may kuni sun'iy koma holatidan uyg‘ongan. Bu holatda u salkam bir oy qolgan.

«Qori aka uyg‘onibdilar. Odamlarni tanib, oz-moz gaplashayotgan ekanlar», deya bildirdi 4 may kuni «Eltuz» suhbatdoshi.

Insultga chalingan Toshkent shahri bosh imom-xatibi Anvar qori Tursunov 2018 yilning 5 aprelidan buyon koma holatida qolayotgan va Respublika shoshilinch tibbiy yordam markazining neyroreanimatsiya bo‘limida sun'iy nafas oldirish tizimiga ulab qo‘yilgan edi.

Faoliyatini o‘tgan asrning 80-yillarda “Yoshlik” jurnalida boshlagan Anvar Tursunov 1989-1992 yillarda Qur'oni karimning birinchi tarjimasiga (shayx Alouddin Mansur tarjimasi) muharrirlik qilgan.

2015 yildan Yunusobod tumanidagi «Minor» jome masjidi imom-xatibi vazifasida faoliyat yuritayotgan edi.

Eltuz.com