Maktablardagi darslar ham «Serquyosh» bilan boshlanadigan bo‘ldi

Joriy yilning oktyabridan O‘zbekiston maktablaridagi darslar o‘quvchilarning madhiya kuylashi bilan boshlanadigan bo‘ldi.

Bu haqda 25 oktyabr kuni Xalq ta'limi vazirligi xatidan iqtibos keltirib Daryo.o‘z nashri xabar tarqatdi.

Xalq ta'limi vaziri o‘rinbosari Dilshod Kenjaevning hududiy boshqarmalarga yo‘llagan xatiga ko‘ra, barcha umumta'lim maktablaridagi bu yangi udum 14 oktyabrdagi videoselektor majlisi ijrosini ta'minlash maqsadida amalga oshiriladi.

Darsni boshlash oldidan davlat madhiyasini kuylash rituali maktablarda vatanparvarlikni rivojlantirish hamda davlat ramzlariga nisbatan hurmatni mustahkamlash maqsadida joriy etilayotgani iddao etilmoqda.

Shimoliy Koreya udumini eslatuvchi bu amaliyot Islom Karimov davrida O‘zbekistondagi barcha qamoqxonalarda ommaviy joriy qilingan, mahkumlar orasida «Serquyosh» deya nom olgan, shoir Abdulla Oripov ijodiga mansub bu matnni yodlatish turma ritualiga kiritilgan edi.

Rassom Dumxam
Eltuz.com