O‘zbekistonlik bosqinchi askarlar itdek xor bo‘ldi

Ishtixonlik aka-uka Donaevlar o‘z ixtiyori bilan Rossiya armiyasi safiga qo‘shilib Ukrainaga bostirib bordi. Urush sarguzasht emas, jang maydonidagi digi-digi o‘yinlaru, bosh qahramonning tirik qolishi faqat kinolarda bo‘ladigan safsata.

Aka-uka Donaevlar okopda bir yil o‘tirib osongina pul ishlaymiz degan xom-hayol bilan Tula shahrida harbiy tayyorlovdan o‘tishdi. Luganskdagi janglardan birida aka ham, uka ham og‘ir jarohatlandi.

Ukrain qoniga qo‘lini botirgan Donaev Nodirbek Xoljigitovich mina oskolkasidan jarohatlandi – bosh, bo‘yin, o‘pka va belda chuqur jarohatlar olgan.

“Uch kun jang maydonida qolib ketdim. Hech kim bizni olib ketmadi, suv va oziq-ovqat yo‘q edi. Akamning o‘ligini jetonidan tanidim, granata portlashidan keyin faqat suyaklari qolgan edi. O‘zi tanib bo‘lmas ahvolda edi. Akam o‘lganini bilgach o‘zim sudralib harbiy gospitalga yetib bordim. Tik yurolmasdim, faqat yerda sudralib harakatlandim” – dedi Donaev sud ko‘rsatmasida.

Og‘ir jarohatlar sabab Donaev Nodirga ta'til berildi. Shu ta'tilda 3 million rubl to‘lov olgan bosqinchi askar bu qilgan ishi jinoyat ekanini tushunib qoldi: “Uch bolam bor. Oilamning yolg‘iz boquvchisiman. O‘ylab qarasam, begona davlat armiyasiga qo‘shilib urushish jinoyat ekan” – dedi u. Nega bu haqida aynan pul olganidan keyin o‘ylab qolgani haqida esa izoh bermadi.

Kattaqo‘rg‘on tuman sudi Rossiya-O‘zbekiston urushida qatnashgan O‘zbekiston fuqarosining ozodligini 3 yilga chekladi. Garchi bu muddat ommaviy qotillik ishtirokchisi uchun berilgan eng kam jazodir.

Eltuz o‘n yildan ortiq davom etayotgan Rossiya Ukraina urushi va unda o‘zbeklarning ishtirokiga oid xolatlarni yoritishda davom etadi.