Uchko‘prik hokimi maktab binosini o‘zlashtirdi – Prokuror sukut saqlamoqda

Uchko‘prik Yilg‘inzor qishloq ahli tuman hokimi Qodirjon Erkaboev va prokuror O‘ktamali Yo‘lchiev faoliyatidan norozi. Hokim qishloqdagi maktab binosini bo‘sh turgan bino deya qaror chiqargan bo‘lsa, prokuror bu qarordan shikoyatchi aholining murojaatlarini mutlaqo e'tiborga olmayapti.

Yilg‘inzor qishlog‘idagi 39-maktab ikkita binoda joylashgan. Maktabning yangi binosi qurilganidan keyin bir muddat maktabning eski binosi bo‘sh turdi. O‘quvchilar soni ortgach eski binoga yana boshlang‘ich sinflar ko‘chirildi. Bu jarayon avvalgi hokim nazoratida qonuniy amalga oshirildi. Ammo yangi hokim Qodirjon Erkaboev o‘qituvchilar puliga ta'mirlangan bu o‘quv binosini bo‘sh turgan bino maqomiga o‘tkazib, ta'lim olayotgan o‘quvchilarni sinfxonalarsiz qoldirgani iddao qilinmoqda.

Qishloq ahli aslida bu bo‘sh bino bo‘lmaganligi, bu yerda boshlang‘ich sinflar o‘qiyotgani, ta'mir qoniqarli ekanini ta'kidlab sudga da'vo arizasi kiritdi. 

25 sentyabr kuni sud bo‘lib o‘tadi.