Germaniya kantsleri: «Suriyada urush tugadi. Qochqinlar vataniga qaytarilishi kerak!»

Deutsche Welle nashrining yozishicha, FRG kantsleri Fridrix Merts «suriyalik qochqinlar endi vatanlariga qaytarilishi kerak, chunki urush tugadi» deya bayonot bergan.

«Endi suriyaliklarga Germaniyada boshpana berish uchun asos yo‘q, shuning uchun biz deportatsiyani boshlashimiz mumkin», — dedi Merts Shlezvig-Golshteyn Bosh vazir Daniel Gyunter bilan bo‘lib o‘tgan qo‘shma matbuot anjumanida.

FRG Kantsleri suriyaliklarning aksariyati o‘z mamlakatlariga ixtiyoriy ravishda qaytib, uning tiklanishiga yordam berishiga umid qilmoqda. Biroq suriyalik qochqinlar o‘zlarining vayron bo‘lgan yurtlariga qaytishni astoydil istashayotganlari ham yo‘q.

Ayni fikrni yaqinda Damashqqa tashrifi chog‘ida Germaniya Tashqi ishlar vaziri ham bildirgan: «Germaniyada yashovchi suriyalik qochqinlar yaqin kelajakda vataniga qaytishlari dargumon».