Sherobodlik bloger bosimga uchraganini bildirdi

Sherobodlik bloger Shohjahon Jamolov ichki ishlar xodimlari unga nisbatan bosim o‘tkazgani va asossiz ushlab turganini ma'lum qildi.

Shohjahon Jamolovning aytishicha, ichki ishlar xodimlari uni Sherobod tumani ichki ishlar bo‘limiga asossiz olib borilib, ma'lum vaqt ushlab turganlar. Bloger bu holatni fuqaro sifatidagi huquqlarining buzilishi, deb baholamoqda.

Shohjahon Jamolov bloger sifatida jamoatchilik muammolarini yoritib kelayotgani va qonun doirasidan chiqmaganini ta'kidlagan.

U ushbu holat yuzasidan adolatli va xolis tekshiruv o‘tkazilishini hamda o‘ziga nisbatan bo‘layotgan tazyiqlarga barham berilishini so‘rab, Prezidentga murojaat qilgan.

Hozircha mazkur holat bo‘yicha mutasaddi idoralar rasmiy izoh bergani yo‘q.