Sarflanayotgan pul ko‘p, ammo yo‘lning ahvoli…

“Pravda vostoka” gazetasining yozishicha, o‘tgan yili “O‘zavtoyo‘l” aktsiyadorlik kompaniyasi korxona va tashkilotlari umumiy foydalanishdagi avtomobil yo‘llarini qurish va ta'mirlashga 544 milliard so‘mdan ziyod sarmoya yo‘naltirgan.

Umuman, 2015 yilda “O‘zavtoyo‘l” AK tizimida qurilish va rekonstruktsiya ishlari hajmi 1,4 trillion so‘mga yetgan. Bu avvalgi yildagiga qaraganda 36 foiz ko‘pdir.

O‘zbekistonda har yili yo‘llar qurish va ta'mirlashga yuz millionlab dollar ajratilayotgani aytib kelinadi. Lekin nafaqat qishloqlarda, hatto katta shaharlar, jumladan, poytaxt Toshkentning o‘zida ham yo‘llarning ahvoliga maymun yig‘layotganini ko‘rib, bu pullar yoki tuya qilinadi, yoki faqat xalqni islohotlar bo‘layotganiga ishontirish uchun shunchaki osmondan olib aytiladi xolos, degan xayolga boradi kishi.

Eltuz.com