Turkiya Karimov o‘limiga ta'ziya bildirgan ilk davlat bo‘ldi (video)

Ta'ziyani TRT davlat telekanali namoyish etdi.

«O‘zbek Prezidenti Islom Karimov olamdan o‘tdi. Alloh uni rahmatiga olsin. Turkiya Respublikasi o‘zbek xalqining qayg‘usiga sherik», deya ta'kidlagan Yildirim Karimov o‘limini rasman ochiq aytgan ilk rasmiy bo‘ldi.

Bundan oldin Karimovning o‘limi xabarini 2 sentyabr kuni Reyter axborot agentligi uchta diplomatik manbaga tayanib jamoatchilikka ma'lum qilgan edi.

“Ha, u o‘ldi,” deb aytgan agentlikka, diplomatik manbalardan biri, Islom Karimovni nazarda tutgan holda.

O‘zbekiston Vazirlar Mahkamasi 2 sentyabr tongida xabar tarqatib, prezident Islom Karimovning «sog‘ligi birdaniga yomonlashdi,» deya ma'lum qilgandi.

Vazirlar Mahkamasi shikoforlarga tayanib prezident vaziyatini «o‘ta og‘ir» deya baholagandi.

Bu vaqtga kelib Karimovning jasadi Samarqandga keltirilgani iddao qilingan video paydo bo‘ldi.

Eslatib o‘tamiz, o‘zbek rasmiylariga ko‘ra, prezident Karimov hamon tirik va uning vafoti haqida rasmiy xabar paydo bo‘lgani yo‘q.

Bugun, ko‘plab g‘arb nashrlari O‘zbekistondagi vaziyatni bir g‘aroyib tragikomediya kabi tasvirlashmoqda.

“Bu dunyoda o‘lim va soliqlardan boshqa narsa haqida ishonch bilan gapirish mumkin emas. Biroq, aftidan Islom Karimov bu qoidani shubha ostida qoldirdi”, deya istehzo qiladi Gardian gazetasi bugun o‘z tahririy maqolasida.

Eltuz.com