Zaporoje AES atrofida o‘t ochishni to‘xtatishga kelishildi

Reuters agentligining MAGATEga tayanib xabar berishicha, Rossiya va Ukraina Zaporoje AES hududida elektr uzatish tarmoqlarini ta'mirlash uchun mahalliy o‘t ochishni to‘xtatish bo‘yicha kelishuvga erishdilar.

Ushbu kelishuvdan maqsad Stantsiyani tashqi elektr ta'minoti bilan ta'minlovchi shikastlangan tarmoqlarni, xususan, «Ferrosplavnaya-1» (330 kV) liniyasini tiklash ekani bildirilgan.

Kelishuv Atom energiyasi bo‘yicha xalqaro agentlik (MAGATE) rahbari Rafael Grossining bevosita vositachiligida amalga oshirildi.

MAGATE vakillari stantsiyadagi xavfsizlikni ta'minlash va yuzaga kelishi mumkin bo‘lgan yadroviy falokatlarning oldini olish maqsadida tiklash ishlarini bevosita kuzatib bormoqdalar.

Stantsiyaning oltita reaktori ayni damda to‘xtatilgan bo‘lsa-da, reaktorlarni sovutish tizimlarining uzluksiz ishlashi uchun tashqi elektr quvvati o‘ta muhim hisoblanadi.

MAGATE rahbari ikkala tomonning ushbu murakkab ta'mirlash rejasini amalga oshirish uchun konstruktiv hamkorlik qilganini alohida ta'kidladi.