Samarqand IIBda “qo‘rquv tizimi”

Samarqand viloyati Ichki ishlar boshqarmasida yuz berayotgan qonunbuzarliklar haqida mmurojaatda aytilishicha, general-mayor Tohir Aripov viloyat IIBga yangi rahbar etib  tayinlanganidan so‘ng tizim ichida qonun va xizmat intizomi keskin izdan chiqqan.

Ayrim xodimlarga nisbatan  asoslarsiz “tezkor tadbirlar” o‘tkazilmoqda, xizmat tekshiruvlari tayinlanib, navbatdan tashqari attestatsiya orqali ishdan bo‘shatish holatlari ko‘paygan. 

IIBning O‘z xavfsizlik xizmati qonuniy topshiriqlarni bajarishdan bosh tortgan yoki noqonuniy talablarga rozi bo‘lmagan xodimlarga nisbatan bosim va tahdidlar qo‘llangan va , ayrim hollarda “qamataman”, “yo‘qotaman” kabi tahdidlar orqali xodimlar qo‘rquv ostida ushlab turilmoqda.

Xodimlar murojaatida qonuniy asoslarsiz ishdan bo‘shatishlar oqibatida butun oilalarni tirikchilik manbaidan mahrum bo‘layotgani qayd etilgan. Ularning ta'kidlashicha, ayrim rahbarlar o‘z vakolati doirasiga kirmaydigan topshiriqlarni ham xodimlarga majburiy tarzda yuklamoqda.