Finlyandiyada osiyoliklar ustidan hazil siyosiy janjalga aylandi

«Miss Finlyandiya» tanlovi g‘olibi Sara Jaftse noyabr oyi oxirida ko‘zlarini qisib tushgan suratini ijtimoiy tarmoqqa joylashtirdi.

«Men xitoyliklar bilan tushlik qilishga ketyapman», — deb yozdi u surati ostiga.

Irqiy janjalning boshlanishi uchun shuning o‘zi yetarli bo‘ldi. Bunga munosabat tezkor javoblar yangradi. Natijada u irqchilikda aybladi va «Miss Finlyandiya» unvonidan mahrum qilindi. Ammo bu hali xolva edi.

Hukmron koalitsiya tarkibiga kiruvchi o‘ng qanot «Haqiqiy finlar» partiyasi siyosatchilari jazo juda qattiq bo‘lganini aytib chiqishdi va qo‘llab-quvvatlash belgisi sifatida o‘zlari ham xuddi shunday tarzda ko‘zlarini qisgan suratlarni e'lon qilishdi.

Shundan so‘ng, Bosh vazir ommaviy ravishda, jumladan, Finlyandiyaning Tokiodagi elchixonasi akkaunti orqali ham uzr so‘rashga majbur bo‘ldi.

Janjal hamon tinmayapti va hozirda Xelsinkida hukmron koalitsiya parchalanib ketishidan jiddiy xavotir bildirilmoqda.