Fohishaning 50 000 so‘mi davlat hisobiga undirildi

24 yoshli g‘ijduvonlik D. A Shofirkon tuman “Mingchinor” MFY hududining cho‘l hududi dalalarida fuqaro O.I va B.B bilan 50.000 so‘m pul evaziga jinsiy aloqa qilganligi aniqlanib, ushbu holat IIB xodimlari tomonidan rasmiylashtirildi. 

D.A xuddi shunday huquqbuzarlik uchun ma'muriy jazo choralari qo‘llangandan keyin bir yil davomida takror shu jinoyat bilan qo‘lga olingani ma'lum bo‘ldi. 

Shofirkon sudi D.Aga ma'muriy huquqbuzarlik MJtKning 190-moddasi 2-qismi bilan Ma'muriy javobgarlik to‘g‘risidagi kodeksining 33-moddasini qo‘llab, u ayblanayotgan modda sanktsiyasida nazarda tutilgan jarima jazosining eng kam qismidan ham kamroq miqdorda jarima, ya'ni bazaviy hisoblash miqdorining 3 (uch) baravari 1.236.000 (bir million ikki yuz o‘ttiz olti ming) so‘m miqdorida jarima jazosi qo‘llanishni lozim topdi. 

Shuningdek, sud ish bo‘yicha ashyoviy dalil sifatida olinib “Ipoteka-Bank ATIB” Buxoro viloyat filialida saqlanayotgan 50.000 so‘m pulni davlat daromadiga musodara qildi. 

Shunday qilib, D.A o‘lib-tirilib ikki mijozning ko‘nglini olgani evaziga ishlab topgan “peshona teri”dan ajralib qoldi.