Qutlibeka Rahimboeva: «Tilini unutgan hech kimning bolasi bo‘lolmay o‘tar»

«Eltuz» nashri «Yozarning sasi» ruknida taniqli o‘zbek shoirasi, O‘zbekistonda xizmat ko‘rsatgan madaniyat xodimi, 67 yashar Qutlibeka Rahimboevaning millat va istiqlol haqidagi fikrlarini taqdim qiladi.

Qutlibeka Rahimboeva 1952 yil 9 fevralida Turkmaniston Respublikasiga qarashli Toshhovuz shahrida tug‘ilgan. 1974 yili Farg‘ona pedagogika institutining filologiya fakultetini tamomlagan. 80-yillarga kelib Toshkentda, G‘afur G‘ulom nashriyotida ishlay boshlagan.

“Bu yerda o‘sha davrning eng ilg‘or ëzuvchi va shoirlari ishlar edi. Men o‘sha yerda birinchi marta millatning millat bo‘lib shakllanishi uchun, dunë maydonida tik oëqqa turishi uchun o‘zi mustaqil yashashi kerakligi haqidagi fikr amalga oshishi mumkinligi haqida o‘ylay boshladim. Oldin bu narsa mumkin emas, deb o‘ylar edim”, deydi Qutlibeka.

Shoiraning bu so‘zlari 2008 yilning fevralida “Ozodlik” radiosi orqali yangragan edi.

Eltuz.com