Yulg‘ich bankomat, asakalik daraxtkesar va Istanbulda kaltaklab ketilgan o‘zbek – EP69

Salom qadrli muhlislar. Eltuz portaliga kelgan navbatdagi 5 ta shikoyatni o‘qib eshittiramiz. Maktublar Xorazm viloyatining Shovot, Jizzax viloyatining do‘stlik, Andijon viloyatining Asaka tumani shuningdek Turkiyaning Istanbul viloyatidan kelgan. Sizga o‘qib eshittirmoqchi bo‘lganimiz dastlabki maktub Xorazmning tumanidan. Unga video ilova qilingan. Shikoyat rasvo xolga kelib qolgan piyodalar yo‘lakchasi yuzasidan.

«Xorazm viloyati Shovot tumani bozori yaqinidagi Komiljon Otaniyozov markaziy ko‘chasining piyodalar yo‘lagi bir necha yildan beri  abgor, rasvo ahvolda, piyodalar yurishi uchun juda noqulay hisoblanadi. Nogiron insonlar esa umuman harakatlana olmaydi.

Katta rahbarlarning o‘zlari kelib piyoda yurib ko‘rishini taklif qilaman!» deydi maktub egasi:

Keyingi videomurojaatni Istanbulda o‘g‘li o‘zbekistondagi tanishi tomonidan kaltaklab ketilgan onaxon yo‘llagan. U aybdorlar va buyurtmachi jazolanishini talab qilmoqda.

Keyingi shikoyatni Jizax viloyatidan yo‘llashgan. Jizzax turg‘uni do‘stlik tumani «Agrobank» filialining yarim tunda ham ishlaytganini iddao qilmoqda.

«Jizzax viloyati Do‘stlik tumanidagi “Agrobank” filiali soat 23:40 da ham ishlamoqda. 30 mart kungi holat. Mashinalar deyarli hammasi bank xodimlariniki. Mehnat qonunchiligiga nega rioya etilmayapti?» deya savol qo‘yadi tunda fotosuratlar olgan Jizzax turg‘uni. 

Keyingi maktub Andijonning Asaka tumanidan. Gap yana daraxtkesarlar haqida bormoqda  

«Andijon viloyati Asaka tumanidan murojaat yo‘llamoqdamiz. Asakada bittagina o‘rmon bor edi. Shuni ham ko‘p ko‘rishyapti. Zich o‘rmonning daraxtlari avval kesilgan edi. Ayni kunlarda ham daraxtlar kesilmoqda. O‘rniga palma ekilar ekan» deydi Asakadagi daraxtlar himoyachisi.

Navbatdagi maktub nosoz bankomat haqida. Surxondaryoning Angor tumanidan murojaat qilishgan.

«Surxondaryo viloyati Angor tumanidan yozyapman. 30 mart kuni soat 17.09 larda Marks chorrahasidagi, “Agrobank”ka tegishli bankomatdan pul yechmoqchi bo‘lib, plastikni tiqdim. Bankomat pul yechib oldi-yu, lekin pulni chiqarmadi. Bank vakillari tekshirib, pulni bir kunda plastik kartangizga qayta tashlab beramiz deyishdi. Ammo tashlab berishmadi. Men u pulga saharlik va iftorlikka bozor qilmoqchi edim. Men birovning emas, o‘z haqqimni so‘rayapman-ku. Pulimni qaytarishlarini so‘rayman».

Bu sizga bugun o‘qib eshittirganimiz beshta shikoyatning so‘nggisi edi. Ko‘rsatuvimizga kelayotgan izoxlarda ko‘pincha biz bilan qanday bog‘lanish. Qanday qilib bizga murojaat qilish mumkinligi to‘g‘risida so‘rashadi. Bilmaganlar uchun yana bir bor eslatamiz. eltuz portali interaktiv tarzda telegram kanalida alohida sahifa shaklida ochilgan. Murojaatlar uchun u yerga maxsus bot ham o‘rnatilgan. Eltuz kelayotgan shikoyatlar, videomurojaatlar, takliflar va ularga yozilgan javoblarni ham e'tiboringizga taqdim etishga intiladi. Kun davomida biz bilan qoling. Kanallarimizga obuna bo‘ling.  

@eltuz