O‘zbekiston Rossiya tajovuziga qarshi rezolyutsiyani qo‘llab quvvatlamadi

BMT Bosh Assambleyasi BMT va Yevropa Kengashi o‘rtasidagi hamkorlik to‘g‘risidagi rezolyutsiyani qabul qildi. Bu rezolyutsiyani qo‘llab, Xitoy, Armaniston, Braziliya, Qozog‘iston va boshqalar dohil 122 davlat ovoz berdi. Rezolyutsiyada Rossiya tajovuzkor davlat sifatida qayd etilgan. 

O‘zbekiston esa har doimgidek, ovoz berishdan tiyildi. Avvalroq O‘zbekiston BMTga a'zo yetakchi davlatlar tomonidan qo‘llab quvvatlangan Ukrainaga Rossiyaning bostirib kirishi to‘g‘risidagi rezolyutsiyasiga ham ovoz bermagan edi. 

O‘tgan yilning martida esa BMTga a'zo 193 davlatdan 141 tasi Rossiyadan Ukrainadagi urushni to‘xtatishni talab qildi.

BMT Bosh assambleyasi Rossiyaning Ukrainaga bosqini qoralangan hamda Moskvadan o‘z qurolli kuchlarini Ukraina hududidan zudlik bilan olib chiqib ketish talab qilingan rezolyutsiyani ma'qulladi. O‘shanda ham O‘zbekiston ovoz berishga qatnashmagan edi.

Shuningdek O‘zbekiston Rossiyaning BMT inson huquqlari Kengashidan chetlatilishiga qarshi ovoz bergan edi. Bundan ham ancha ilgari 2017 yilning noyabrida O‘zbekiston BMTning Qrimga nisbatan 75 davlat tomonidan qo‘llab quvvatlagan Rossiya siyosatini qoralovchi rezolyutsiyasi loyihasiga qarshi ovoz bergan edi.

@rassomtuz