AESga qarshi forishliklar, qisqargan yo‘l va surilgan bedazor – EP154

Salom qadrli muxlislar, Eltuz portaliga kelgan navbatdagi beshta shikoyat maktubini o‘qiymiz. Ular O‘zbekistonning Xorazm, Surxondaryo, Qashqadaryo, Jizzax va Toshkent viloyatlaridan kelgan.

Dastlabki murojaat Xorazm viloyatidan. Urganch tumanida mahallaning asosiy yo‘lini yopib uy qurishmoqda.

Keyingi shikoyat Surxondaryodan.  “Open byudjet”da g‘olib chiqqan yo‘l loyihasi nega qisqarishga tushdi?

“Surxondaryo viloyati Bandixon tumani Bag‘rikeng mahallasidan yozmoqdamiz. Mahalla ahli aprel oyida “Open byudjet” portali orqali 3 kmlik yo‘lni asfaltlash loyihasida g‘olib chiqqan edi. Negadir 3 kmlik asfalt yo‘l 2,5 kmga qisqartirilibdi. O‘zi yo‘llarimiz 40-45 yil oldin barpo etilgan. Iltimos, “Open byujet”da tasdiqlangan loyihaga ko‘ra  3 km yo‘lni asfaltlab berishsin” deya talab qilmoqda bandixonliklar.

Navbatdagi shikoyat Qashqadaryodan. Ko‘kdalada aholi elektr muammolaridan qiynalmoqda

«Assalomu alaykum Eltuz! 

Biz Qashqadaryo viloyati Ko‘kdala tumani O‘tamayli mahallasi, Abdulla Qodiriy ko‘chasidagi uylarda yashovchi fuqarolar tomonidan shikoyat yubormoqdamiz. 

Mahallamizda elektr quvvati kamligi sababli kundalik hayotimizda turli noqulayliklar yuzaga kelmoqda.  Bu muammo ko‘plab xonadonlarga ta'sir ko‘rsatmoqda va yashash sharoitlarini ancha qiyinlashtirmoqda. 

21-may kuni Transformatorimiz qayta ta'mirlashnishiga qaramay yana buzildi. 

Mahallamiz uchun qo‘shimcha transformator o‘rnatilishi, eski simyog‘ochlarni yangisiga almashtirish va agar kerak bo‘lsa yangi simyog‘ochlar o‘rnatilishini hoxlaymiz. 

Sizlarning yordamingiz bilan mahallamizda yashash sharoitlarini yaxshilashga umid qilamiz!» deya yozmoqda Ko‘kdala turg‘unlari.

Bir guruh jizzaxliklar esa Rossiya quradigan AYeS loyihasiga qarshiligini bildirmoqda.

 “Jizzax viloyati Forish tumani Amir Temur va Mustaqillik MFYlar aholisi nomidan murojaat qilyapmiz. Kuni kecha Rossiya va O‘zbekiston prezidentlari uchrashuvida Forish tumanida AYeS qurilishi bo‘yicha shartnoma imzolandi degan xabarlarni eshitib xafa bo‘ldik. Xalqdan bir og‘iz so‘ramay, AYeS quriladimi? Bu ona vatanimiz bo‘lgan O‘zbekiston uchun xavf emasmi? AYeS ajal emasmi? Agar uni Rossiya quradigan bo‘lsa, biz loyihaga qarshimiz. Vatan bizniki, ajdodlarimizdan qolgan merosimiz, biz vatanimizda bunaqa inshoot qurilishini yoqlamaymiz. Bir umr chiroqsiz, sham yoqib o‘tsak ham AYeS qurilishiga qarshimiz. Rahbarlarimiz aholi talabini inobatga oladi degan umiddamiz” deya norozilik bildirishmoqda forishliklar.

Va so‘nggi shikoyat Toshkent viloyatidan. Tadbirkor beda o‘rilgan yeriga noqonuniy traktor solinganidan shikoyat qilmoqda…”

Va bu sizga yetkazganimiz bugungi so‘nggi maktub edi. Eslatamiz, eltuz portali telegramdagi alohida sahifadir. U erga xatlar uchun maxsus bot o‘rnatilgan. Eltuz kelayotgan shikoyatlar, videomurojaatlar, takliflar va ularga yozilgan javoblarni ham chop qilishga intiladi. Kanalimizga obuna bo‘ling. Agar ko‘rsatuvimizni qo‘llab quvvatlamoqchi, yoki ayrim yopiq videolarni ko‘rmoqchi bo‘lsangiz super raxmat tugmachasini bosing.  Sog‘ bo‘ling.