Mirishkorda qoramol o‘g‘rilari nega jazolanmaydi? 

Mirishkor tumanida mol va qo‘ylarni o‘g‘irlash holatlari sezilarli darajada oshgan. Bu haqida Eltuzga tuman aholisi xabar berdi.

«Ayrim o‘g‘rilar haligacha topilmagan, ayrimlari esa topilgan. Eng yomoni topilgan o‘g‘rilarga IIB tomonidan umuman jazo choralari qo‘llanmasdan ochiqqa ya'ni erkinlikka qo‘yib yuborilmoqda» – deydi jabrlanganlar.

Masalan, avgust oyida Mirishkor tumanidagi G‘oyibov Xurshid fermer xo‘jaligining 10 bosh sara qo‘ylarini o‘g‘irlaganlar tuman IIB xodimlari tomonidan bir sutka ichida qo‘lga olindi. O‘g‘rilar o‘z ayblariga iqror bo‘lishdi. Ammo qo‘lga olingan 3 nafar jinoiy guruh a'zolariga hech qanday jazo choralari ko‘rilmasdan qo‘yib yuborildi. 

«Hozirgi kunda o‘sha jinoiy guruh a'zolari erkinlikda, o‘g‘rilarning biri yaqinda Kaptiva mashinasi olgan bo‘lsa, biri choyxona ochib olgan, yana biri chorvachilik bilan shug‘ullanmoqda.»