Mirziyoev 600dan ortiq mahkumni avf etdi

7 dekabr kuni O‘zbekiston Konstitutsiyasi qabul qilinganining 33 yilligi munosabati bilan prezident Shavkat Mirziyoev «Jinoyat sodir etgani uchun jazo o‘tayotgan, qilmishiga chin dildan pushaymon bo‘lgan va tuzalish yo‘liga qat'iy o‘tgan shaxslarni afv etish to‘g‘risida»gi farmonni imzoladi. 

Farmonga muvofiq, Konstitutsiyaning 109-moddasi 23-bandi asosida jami 615 nafar mahkum afv etildi. Ular orasida 220 nafar shaxs asosiy jazodan to‘liq ozod etildi, 123 nafar shaxs shartli ravishda muddatdan ilgari ozod qilindi. Shuningdek, 97 nafar mahkumga nisbatan belgilangan jazo yengilrog‘iga almashtirildi. 175 nafarga esa ozodlikdan mahrum qilish muddati qisqartirildi.

Afv etilganlar orasida 9 nafar xorijiy fuqaro, 29 nafar ayol, 60 yoshdan oshgan 23 nafar erkak, 30 yoshgacha bo‘lgan 264 nafar shaxs (ulardan ikkitasi nobolalar) va faoliyati taqiqlangan tashkilotlarda ishtirok etgan 9 nafar shaxs bor.

Afv etilganlarni oilasiga qaytarish, ularga ijtimoiy moslashuvda ko‘maklashish, mehnatga jalb etish, sog‘lom turmush tarziga o‘tkazish va jamiyatda munosib o‘rin egallashlariga yordam berish bo‘yicha mas'ul vazirlik va idoralarga topshiriq berildi.