Murod Nazarov: Biz 66 ta o‘rniga 40 daraxtni kesdik

Ozodlik radiosining maqolasiga javoban, 20 fevral kuni “Murad Building” shirkati rahbari, 35 yoshli Murod Nazarov o‘zining feysbukdagi sahifasida bayonot chop qildi.

Bunga ko‘ra, uning shirkati Toshkent shahrining Chilonzor mavzesida Priority Standart” MChJ deya nomlangan tag‘in bir shirkat bilan hamkorlikda qurilishlarni amalga oshirmoqda. «Shu qurilishlar munosabati bilan 40 daraxt kesilgan, Tabiatni asrash qo‘mitasidan 182 daraxtning 66 tasini kesishga ruhsat olingan ».

Shunday qilib, bugungi kunda Toshkentda daraxt chopayotgan shirkatlardan har holda ikkitasining nomi ma'lum bo‘ldi. Biroq asosiy muammo shahar aholisini yoz jaziramasidan asrovchi bu daraxtlarni kesishga ruxsat bergan Toshkent hokimligi va Tabiatni asrash qo‘mitasiga tegishlidir.

Murod Nazarov o‘zini mamlakatning ishonchli vatanparvari ekani, «faqat farovonlik va baxt yaratuvchisi» ekanini ta'kidlaydi va «har bir kesilgan daraxt uchun ko‘p miqdorda tovon to‘lash»ni va'da qiladi. Shunga qaramasdan, «omadli biznesmen» eng asosiy savolga javob bermaydi. Nima uchun uning shirkati shahar uchun zarur daraxtlarni yo‘q qilib, aynan ko‘p yillik chinorlar o‘sayotgan yerda qurilish boshlashga qaror berdi?

Turar joy qurililishida hech bir yomonlik ko‘rmayotgani haqida izoh qoldirgan sobiq amaldor Sherzod Qudratxo‘jaev esa chinorlarni kesish mavzusidan chetga chiqib, «ayrim saytlar»ning buyurtma bajarayotgani va ob'ektivlikdan yiroq ekanidan yozg‘iradi.

Bu gaplarni uning vijdoniga havola qilib, jamoatchilik fikri butun mamlakatni qamrayotgan, ommaviy daraxt kesish epidemiyasini to‘xtatishga yordam berishidan umidvor bo‘lib qolamiz.

Abdujamil Do‘stmuhammad
Toshkent shahri, 22 fevral 2016 yil
Eltuz.com