Puling bor ekanu, yaramas tirrancha!

Kun karikaturasida bugun Eltuz.com, rassom Elsevar qalamiga mansub, avtobus chiptachisi tomonidan qulog‘i cho‘zilayotgan bolakay suratini taqdim etadi.

Dunyoning turli mamlakatlari eng himoyaga muhtoj ijtimoiy qatlam sanalgan bolalar huquqi uchun qayg‘urar, jamoat transportlari ular uchun bepul qilib qo‘yilarkan, o‘zbeklar bolajon xalq degan atamadan ancha yiroqday ko‘rinadi.

O‘zbekistonda bolalar o‘z ota onalari uchun yangi o‘lponlar manbai bo‘lib qolmoqda – ularni deb majburiy paxta terimiga chiqish, maktab ta'miri, metallom, makulatura, guldasta uchun pul berishlari yetmaganday, o‘zbek bolalari jamoat transportlarida kattalar kabi pul to‘lashlari lozim, albatta ota onalari cho‘ntagidan.

Bolalarga nisbatan ba'zan o‘qituvchi, maktab direktori, qishloq tabelchisi, mahalla posboni, avtobus chiptachisi, ba'zan esa ota onalarining o‘zlari zo‘rlik ishlatishi ham oddiy hol.

Biroq, o‘zbeklar bolalarning ham o‘z huquqlari borligini chet ellarga chiqqanlarida sezishadi. O‘z farzandini urgani uchun Turkiyada qamoq jazosiga hukm qilingan o‘zbek ayoli kabi.

Eltuz.com