Bosh vazir SES xodimlarini bo‘q yig‘ishga buyurdi

Farg‘onada odamlar SES xodimlarining hojatxona va molxonalarni tozaligi baxona aholidan go‘ng talab qilishayotganidan norozi. Ular buni go‘ngdan uylarnni isitish uchun tappi tayyorlashlari bilan izohlashadi.

Bu haqda xabar bergan Ozodlik radiosiga ko‘ra, chiroyli ish kiyimidagi shifokor va hamshiralar mahalla posbonlari bilan birgalikda uyma-uy yurib, odamlardan kamida ikki qopdan go‘ng berishni iltimos qilishmoqda.

“Nahotki Bosh vazirning kuni aholi tezagiga qolgan bo‘lsa, do‘xtirlarning go‘ng tilanib yurishi juda achinarli ko‘rinar ekan» deydi voqea guvohlaridan biri.

Rasmiylarga ko‘ra, Bosh vazir Mirziyoev topshirig‘iga ko‘ra, har ikki do‘xtir yoki hamshiraga bittadan mahalla posboni birkitilgan bu haqda viloyat hokimining qarori bor.

Ushbu hujjatga asosan, SES xodimlari aholi molxona va hojatxonalari dezinfektsiyasini amalga oshirishlari, olingan axlatni esa fuqarolar yig‘iniga yetkazib berishlari lozim.

Eltuz.com ayni holatni rassom Kirpi chizgan hajviy surat orqali taqdim etadi.

Rassom Kirpi
Eltuz.com