«Meni yoningizga ishga oling!»

Shunday ishtiyoqni bildirganlar orasida 68 yashar farg‘onalik fermer, 63 yashar xorazmlik pensioner, andijonlik novvoy bor.

Jumladan, farg‘onalik keksa fermer Ochil Begmatov Ozodlik radiosiga bergan intervyusida uch oy maosh maosh olmasdan ishlashga roziligini aytadi.

“Mayli, Mirziyoev menga maosh bermasin. Men viloyatdagi amaldorlarning qilayotgan g‘ayriqonuniy ishlarini barini ochib tashlayman”, deydi qariya.

Xorazmlik 63 yoshli nafaqaxo‘r Qadamboy Matmurodov ham Shavkat Mirziyoevdan yoniga ishga olishni so‘rab, virtual qabulxonaga murojaat qilganlarning biri.

“Amaldagi huquq-tartibot organlarining 100 tasini ishini bajaraman”, deydi Matmurodov o‘z murojaatida.

Andijonlik novvoy O‘tkirbek Hoshimov ham Mirziyoev yoniga ishga kirish istagini bildirgan.

“Men uni yonida yurishni xohlayman. Kerak bo‘lsa, viloyatlarga tintuv qilishlar uchun meni jo‘natsin, o‘zim titkilab beraman”, deydi u oddiygina qilib.

Rassom Elsevar
Eltuz.com