Milliy bog‘ning xususiy shirkatga berilishidan shaharliklar norozi

18 sentyabr kuni Toshkent markazidagi Navoiy nomidagi Milliy bog‘ni buzish va qurilishga hozirlash ishlari boshlandi.

Vazirlar Mahkamasining 2017 yil 4 sentyabr qaroriga ko‘ra, 2021 yilgacha u yerda ikkita «Amerika tepaliklari» attraktsioni, sun'iy suv inshooti va delfinariy tashkil qilinishi ko‘zlangan.

Sputnik nashri, jumladan O‘zbekiston Milliy bog‘i Stargate systems shirkatiga 49 yilga ijaraga berilishi, shirkat esa bu loyixaga 60 million dollar sarmoya yotqizishi haqida xabar qildi.

O‘z navbatida «Ozodlik» nashri ayni Stargate systems shirkati raxbari Jahongir Abidovich Artikxo‘jaev ekanini bildirdi.

Toshkentlik jurnalist Sergey Yejkovga tegishli «Uzmetronom» sayti esa, «O‘zbekiston DSQ raisi oilasiga taaluqli bo‘lgan shirkatga Toshkentning eng ko‘hna, «Komsomol ko‘li» (xashaki tilda – «Komsa») nomi bilan mashhur, Alisher Navoiy nomidagi bog‘ni keng miqyosda rekonstruktsiya qilish ishlari» topshirilganini yozdi.

Poytaxt markazidagi Milliy bog‘ning qaysidir shaxslar qo‘liga topshirilishi, u yerda «yuksak texnologik» maskan qurishi g‘oyasi, o‘zbek jamiyati noroziligini qo‘zg‘atdi.

Ikkita ijtimoiy guruh milliy bog‘ning tolon-taroj qilinishi va shahar ekologiyasiga zarar yetkazilishiga qarshi talabnomaga imzo yig‘a boshladi.

Xususan «Mehr va oqibat» jamoatchilik tashkilotini dengizlardan yiroq mamlakat poytaxti markaziga keltiriladigan delfinlar taqdiri tashvishlantirayotgan bo‘lsa, boshqa guruhni, Milliy bog‘da saqlangan so‘nggi yuz yillik daraxtlar qismati qayg‘uga solmoqda.

Rassom Tuz
Eltuz.com