Mirziyoevni «qahramon» qilishga 10 ming ovoz yig‘ildi

Kimligi unchalik muhim bo‘lmagan shaxs tomonidan «Mening fikrim» ijtimoiy portalida prezident Mirziyoevga «O‘zbekiston qahramoni» unvonini berish to‘g‘risida bildirilgan taklif 24 mayga kelib 10 ming ovoz yig‘di.

Ayni kunda Mirziyoev shaxsiga sig‘inish, to‘g‘rirog‘i, O‘zbekistondagi oliy mansab egasiga mutelik tendentsiyasi o‘z cho‘qqisiga yaqinlashmoqda.

O‘zLiDep partiyasi vakillari prezident oliylariga tezroq «Oltin yulduz» berish ishtiyoqida chopayotgan bo‘lishsa, Xalq ta'limi vazirligi 25 may kuni bitiruv kechasi o‘rniga Mirziyoevning gaplari shior qilingan tadbirni barcha maktablarga joriy qildi.

Hammasi xuddi qirol Lyudovik davridagi kabi «kimdir poyondoz keltiradi, kimdir lungi ushlab turadi» qabilida davom etmoqda.

Mirziyoevga orden berishga intilayotgan o‘zbeklar rassom Tuzning yangi karikaturasiga mavzu bo‘ldi.

Rassom Tuz
Eltuz.com