Yunusobod hokimi Baxtiyor Abdusamatov pora bilan qo‘lga tushdi

Toshkent shahrining Yunusobod tumani hokimi, 42 yashar Baxtiyor Abdusamatov o‘z ish kabinetida 7 sentyabr kuni 400 ming AQSh dollari miqdorida pora olayotganida DXX xodimlari tomonidan ushlandi.

Rasmiy xabarlarda Baxtiyor Abdusamatovning sarmoyadorga yer uchastkasi ajratib berish evaziga pora olayotganida xibsga olingani aytiladi.

Bundan ilgari, shu yilning 12 iyulida Baxtiyor Abdusamatov mashhur rassomlar Petr va Nikolay Jarskiylar tomonidan 1966 yili Yunusoboddagi ko‘p qavatli turar joy binosi devoriga ishlangan mozaikani o‘chirishga buyruq bergan edi.

Hokimlikka tayinlanishidan oldin 2017 yilning 18 apreligacha Tabiatni asrash davlat qo‘mitasi rahbari bo‘lgan Baxtiyor Abdusamatov Toshkent xiyobonlaridagi behisob daraxtlarni kesishga ruxsat bergan sobiq amaldor hamdir.

Rassom Tuz
Eltuz.com