Majburiy mehnatni qoralagan rektor paxta terishga chiqdi

Ijtimoiy tarmoqda Jurnalistika universiteti rektori, Xalqaro press-klub raisi Sherzod Qudratxo‘jaevning paxta terayotgani aks etgan fotosuratlar paydo bo‘ldi.

Birinchi rasmda ikki talaba etagi to‘la paxta, Qudratxo‘jaevniki esa bo‘m-bo‘sh. Ikkinchi rasmda esa Qudratxo‘jaev etagidagi paxtani to‘kmoqda.

Ijtimoiy tarmoq blogerlari e'tiborini orqa plandagi chodir yonidagi hashamatli restoran stol-stullari tortdi.

Bundan roppa rosa bir yil burun, 2017 yilning oktyabrida Sherzod Qudratxo‘jaev paxta dalalarida o‘qituvchilar va talabalarni paxta terimiga chiqargan hokimlarni keskin tanqid qilgan:

“Bugungi kun O‘zbekistonning har qanday ko‘rinishdagi majburiy mehnat va bolalar mehnatiga qat'iy ravishda “Yo‘q!” degani hal qiluvchi o‘rin tutadi. O‘zbekiston inson huquqlariga rioya etadigan va uni hurmat qiladigan mamlakatlar qatoriga kirdi”, – degan edi.

Rassom Kirpi
Eltuz.com