Mirziëev rus xokkeychilariga sovg‘a qilgan uy pulini kissasidan to‘ladimi?

Yaqinda allaqaysi «akademik» O‘zbekiston Respublikasini monarxiyaga transformatsiya qilish taklifi bilan chiqdi.

Aftidan, mamlakat rahbari ochiqchasiga laganbardorlikni sezgani ham yo‘q, biroq u birdan, hatto mukofot va rag‘batlantirishlarda ham muayyan qonun va qoidalarga amal qilishi shart bo‘lgan prezident sifatida emas, balki mutlaq hukmdor, podshoh kabi harakat qila boshladi.

Aynan to‘satdan kallasiga kelib qolsa, davlat xazinasidan belkurakni to‘ldirib saxovat ko‘rsatsa ham hech kim g‘ing deya olmaydigan podshoh kabi.

Mana, masalan, 16 mart kuni yangi paydo bo‘lgan podshoh Toshkentda mamlakat sportini rivojlantirishga hali hech bir hissa qo‘shmagan Rossiya xokkeyi va figurali uchish yulduzlariga kvartiralar hadya qilishga farmon berdi. Mirziyoev bu haqda Humo Arena muz saroyi ochilishida bildirdi.

Kvartiralar ularga avans tariqasida beriladi – birdan kelishni xohlab, o‘z hissalarini qo‘shib qolishsa, degan umidda. Agar istashmasa, kvartiralarni bir necha yuz ming dollarga sotib, pulni o‘zlari bilan Rossiyaga olib ketib, o‘sha yerda xarjlashlari ham mumkin.

Sovg‘aga ajratiladigan shuncha kvartiralar qaerdan olinadi? Mo‘'jiza yuz bermaydi. Sovg‘alar yangi elita turar joylar qurish uchun uylari buzilib ko‘chirilganlar hisobidan amalga oshiriladi. Ushbu elita uylar kimlar uchun solinmoqda?

Albatta, kelayotgan yulduzlar uchun, toki ular fonida podshoh yarqirab ko‘rinsin. Biroq, shunisi qiziqki, hatto hozirgi Rosiya hukmdori ham o‘z sportchilariga o‘zbek podshohi kabi saxovat ko‘rsatayotgani yo‘q. Biroq biz uchun bu mayda va ahamiyatsiz, axir O‘zbekiston – eng boy mamlakat. Ko‘chirilgan aholi-chi? Hechqisi yo‘q, ular o‘zimizniki, ularga Sirg‘alining biror burchagidan joy topilib qolar.

Alisher Ilhomov
Londondagi Sharq va Afrika tadqiqotlari instituti tahlilchisi
Eltuz.com