Til to‘g‘risida gapirganning tilini sug‘urishmoqchi

Davlat tili haqidagi qonun hujjatlariga rioya etmagan mansabdor shaxslarga jarima solishni ko‘zda tutgan qonun loyihasi O‘zbekistonda yashovchi rus tilli aholining kamsitilishi sifatida talqin qilinmoqda. 

Rossiyaning Regnum nashri «O‘zbekistonda davlat organlarida rus tilidan foydalanganlik uchun jarima belgilanadi», deb yozdi.

O‘zbekistonda qayd etilgan rus tilidagi «Vesti.uz» cayti esa «O‘zbekistonda Pushkin tili uchun jarima qo‘llashmoqchi», degan maqolani chop qildi.

Rus tilidagi saytlarda chop etilgan shu hildagi maqolalar atay yoki tushunmaslikdan yangi qonun loyihasi mazmunini buzib ko‘rsatmoqda.

Adliya vazirligi saytida muhokama uchun chop etilgan «O‘zbekiston Respublikasining Ma'muriy javobgarlik to‘g‘risidagi kodeksining 42-moddasiga qo‘shimcha kiritish to‘g‘risida»gi qonun loyihasi mutlaqo davlat muassasalari va tashkilotlariga taalluqlidir.

Ya'ni agar davlat tashkilotining mansabdori o‘zbek tilida ish yurita olmasa, unga jarima qo‘llanishi mumkinligi ta'kidlangan.

Davlat amaldoridan davlat tilini bilishni talab qilish dunyodagi barcha mamlakatlar uchun tabiiy holatdir va agar yangi qonun loyihasi qabul qilinsa, joriy qilinadigan jarimalar O‘zbekistonda davlat amaldorlarining o‘zbek tilini o‘rganishlarini tezlashtiradi.

Eltuz.com